Bilboko turismo-bulegoak, berriro irekita

Bilboko turismo-bulegoak, berriro irekita –

Guggenheim Museoaren ondoan dagoen turismo-bulegoa atzo, ekainak 1, ireki dute, Arte Ederretako eta Itsasmuseum museoekin batera. Bestalde, Plaza Biribileko bulegoak egun batzuk geroago berreskuratuko du bere jarduera.

Osasun-segurtasuna zaintzeko, nahitaezkoa izango da barrualdean maskarak erabiltzea. Gel hidroalkoholikoaren banagailuak instalatuko dira eta edukiera mugatuko da.

Bilboko Udalaren turismo-bulegoak berriz irekitzeko prestatzen hasi dira. Bere ateak ireki dituen lehenengoa, atzo astelehena, Guggenheim Museoaren ondoan dagoen turismo-bulegoa izango da. Horrekin batera irekiko dira museoa bera eta Arte Ederretako eta Itsasmuseum museoak.

Bilboko turismo-bulegoak, berriro irekitaJendaurreko ordutegia 11:00etatik 19:00etara izango da asteko zazpi egunetan. Bestalde, Plaza Biribileko bulegoak beste egun batzuk itxaron beharko ditu jarduerari berriro ekiteko.

Bilboko Udaleko turismo-bulegoak berriro irekitzean, hiriko turismo-sektorean jarduten duten museo eta enpresek beren lana indartuko dute. Era berean, jarduerara itzultzeak lurralde osoko mugikortasunari lagunduko dio, eta pixkanaka normaltasunera itzuliko da.

Langileen nahiz erabiltzaileen osasun-segurtasuna zaintzeko, hainbat babes-neurri jarriko dira martxan. Horregatik, beharrezkoa izango da maskarak erabiltzea, eta gel hidroalkoholikoaren banagailuak jarriko dira sarreran, besteak beste. Gainera, pilaketak ekiditeko xedearekin, edukiera mugatua izango da. Segurtasun-neurri guztiak bisitariak ikusteko moduan iragarriko dira bulegoen kanpoaldean.

Era berean, gaur egungo osasun-egoerak sortutako inguruabarren aurrean, Bilbao Turismok indartu egingo du turismo-informazioko zerbitzua telematikoki. Laster, halaber, posible izango da Bilbori eta Bizkaiari buruzko liburuxka turistiko nagusietara QR kode baten bidez sartzea eta informazioa Whatsapp bidez kontsultatu eta jasotzea.

.

Bilbao.eus ataritik jasotako berria.

Bilboko turismo-bulegoak, berriro irekita