Abian jarri dute perretxikoak ezagutzeko zerbitzua
Abian jarri dute perretxikoak ezagutzeko zerbitzua
Perretxikoak ezagutzeko urtero eskaitzen den zerbitzua jarri du abian Udaleko Osasun eta Kontsumo Saileko Elikagaien Osasuneko Sailatalak.
Zerbitzu hori Osasun eta Kontsumo Sailean (Ugalde kalea, 7) egongo da zabalik astelehenetan eta asteartetan (9.30-11.30), azaroaren 29ra arte.
Garrantzizko gomendioak
Osasun eta Kontsumo Sailak batutako perretxiko-mota bakoitzaren ale bat baino gehiago eramatea gomendatzen du (hanka osorik aterata dutela eta ebaki gabe), beste espezie bateko aleekin nahastu gabe.
Ale haziak eta zindoak (harrik gabekoak) batu behar dira eta, ahal dela, komeni da batu dituenak berak eramatea, inguruari eta habitatari buruzko zehaztasunak eman ditzan.
Perretxikoak batu eta ahalik eta arinen egin behar da kontsulta (pare bat egun asko jota). Perretxikook plastikozko poltsetatik kanpo gorde behar dira, zabal-zabal jarrita eta hozkailuaren beheko aldean, sorki lehor eta garbiaz estalita.
Ez dira garbitu ez izoztu behar harik eta zelakoak diren jakin arte, usaina eta kolorea galtzen dutelako. Ez dira ontzi berean gorde behar bestelako perretxikoekin.
.